Traditional - Aunt Rhody
Album:
Auf 'm Wase graset d'Hase ond em Wasser gambet d'Fisch;lieber will i gar koi Schätzle
als no so en Fedrewisch
lieber will i gar koi Schätzle
als no so en Federwisch.
Muetter
muscht mer - schlah me's Blechle - Türleshose mache lau
|: daß i auch so Türleshose wia der herr Proviser hau. :|
Gang mer weg mit Sammetschühle
gang mer weg mit Bändele!
|: Bauramädle send mer lieber als so Kaffeebembele. :|
Wo-n-i hau no kratzt und bisse
hot mi wölla keine küsse;
|: seit i nemme kratz und beiß
kriag i Küßle dutzadweis. :|
Kleine Kügele muß mer gieße
wenn mer Vögele schieße will
|: schöne Mädle muß mr liebe
wenn mer schöne Weiber will. :|
Wo-n-i hau mei Schätzle gnomma
hot mei Mutter grausig tau!
|: Hot mi bei de Aura gnomme
d'Stiege abe fliege lau! :|
Sag du no zu meiner Schwieger
sui soll mi passiere lau
|:i werd schau mein Schatz versorga
sell werd sui en Dreck a'gau!:|
Hinter meiner Schwiegermuetter ihrem grauße Himmelbett
|: stoht a ganzer Sack voll Sechser
wenn i no die Sechser het. :|